早前連續三篇都是寫了些唔多開心事，
寫了出來，冬日心裡舒服好多！
同時多謝網友鼓勵，
令我更有信心放低那些不愉快事情！
好了...
九月是開學月，
女兒今年正式入大學了，
而且還可住入大學宿舍。
因此她的生活習慣改了，
連同我和老友大人的生活習慣也要改！
過往的生活是：
平日晚飯一家人都會回家食為主 ，
而周未假日就會一齊食早餐。
之後大家都可能有節目，
老友大人要返工，
我就有老同學們行山，
女兒就當然會和她的朋友去街！
但女兒入大學後，
情況就剛好相反了，
平日女兒在宿舍，只有我和老友大人撐枱腳 ！
這樣， 只得兩個人就會多了出街食。
（兩個人晚飯，食兩個餸都食唔晒－蒸倉魚＋翠玉瓜炒豬頸肉）
如果在家煮.....就要煮多少少，
一來方便煮，
二來多了的飯餸就可以做我明日午餐。
帶飯盒回公司食，其實都幾好，
會帶來好多同事羨慕。
" 噢....你有住家飯食啊...!! "
（溫馨飯盒－青瓜炒肉片＋洋蔥炒蘑菇）
咁週未假期呢？
因女兒回來了，
咁當然一齊過，變成 family day !
一齊晚飯這過多數唔會少呢......！
其實當女兒入了大學並住了入宿舍後，
我就體會都會到：
＂做人父母，現在唔和女兒拉近距離，
仍只顧自己快樂生活，晚晚夜歸，
我將來必定後悔..!!＂
我在香港讀書，弟妹則選擇去外地，送機時依依不捨，大家都眼濕濕，因為唔知
將來怎麼樣？他們會唔會愛上彼邦？幸好個個都認為自己出生與長大的地方最好，
學成後應該首..
我在香港讀書，弟妹則選擇去外地，送機時依依不捨，大家都眼濕濕，因為唔知
將來怎麼樣？他們會唔會愛上彼邦？幸好個個都認為自己出生與長大的地方最好，
學成後應該首先服務自己人。
我今晚都煮了肉醬意粉給囡囡明天帶飯盒。
我以前屋企逢星期日就係family day, 會飲早茶, 現在就無啦.........我好掛住蝦餃,燒賣,魚翅餃呀