2011年5月9日 星期一

錦田魚塘垂釣@母親節

錦田魚塘垂釣@母親節
2011年5月9日下午11:56公開累積瀏覽 69 3

母親節的清晨, 約好了一班老友, 從錦上路西鐵站出發, 在藍天白雲下, 經過一片綠意盎然的村徑, 來到錦田水尾村附近的一個私人魚塘, 找尋另一番的生活體現...
 

到達後, 我們放低隨身背囊, 由塘主帶我們繞著魚塘的山徑, 先來一個小小遠足做熱身...上到"雞胸山的金山崗遠望錦田平原
 

繞塘一圈回來後, 部份釣魚翁就開工作, 滿足他們的捕獵人性......
中午過後, 開始準備我們的農家菜.....將今天部份魚獲用來做餸, 煲湯, 還有蒸走地雞...
其中一味 : 金蒜蒸寶石魚+黃骨魚...... 新鮮美味

還有 :  桑葉焗寶石魚--特別清香

在魚塘邊的小徑長有好多小白菊, 用一個低角度去影....又得喎

釣這條大鯇魚, 但太重, 太生猛了...我用了個網都撈不上水...最終都走掉了....不過也不可惜, 因已釣到好多想食的魚...."寶石魚" , 和 "黃骨魚"

魚塘另一邊種了好多木瓜樹, 不用攀爬, 舉手就摘到兩個大大個的瓜, 好有手感...拿了兩個較 "生" 的回家, 我想在佛旦假期煲  -- "木瓜魚尾湯"

塘主還說, 塘口外還有幾十棵龍眼和荔枝果樹, 現已出花芽, 七月中可以有龍眼和荔技摘...
我們又可來爬樹過癮下呢 !!
 


訂閱回應RSS摘要
  • SkyBlue SkyBlue
    • SkyBlue
    • 2011年5月20日下午9:15
    你好, 原來你也是一位釣魚的喜愛者, 我有很多blog友都喜歡釣魚的呢.......
    回覆
    • 冬日 Winter 冬日 Winter
      其實我對釣魚是一竅不通, 也興趣不大,  只是和朋友一齊聚會, 有得玩, 有得食....跟住去
      攝影, 行山郊遊,  出外旅遊....就是我的興趣 !!
  • Vicky Vicky
    • Vicky
    • 2011年5月12日上午9:40
    冬日:   ~即釣即刻煮黎食,好新鮮呀!!!   ~依日, 又釣魚,又接觸大自然, 仲有摘木瓜.... 好寫意呀!!
    • 冬日 Winter 冬日 Winter
      雖然當日都好熱....但又真的好寫意....!
      親手釣, 親手摘的食材,  做了菜後食起來特別好味 , 幾乎連湯渣一點都沒有剩 !!
  • ﹌ 澄 ﹏ ﹌ 澄 ﹏
    嘩!你這天不但收獲豐富，仲過左一個好有田園feel既一天!間中走入大自然走走，心情都靚D!!!!!
    • 冬日 Winter 冬日 Winter
      不但有豐富收獲，還流下好多汗水；
      回家才覺好疲累，二話不說快入睡！
張貼者： 於 沒有留言:

2011年5月4日 星期三

俾繳費靈玩死

俾繳費靈玩死
2011年5月4日下午5:42公開累積瀏覽 645 6

早幾日遺失了銀行提款咭, 已立即報失, 並即時申請補領新咭,
但這提款咭是專用作繳費靈付費的咭,
因咭停即繳費靈都停....要用新咭重新登記才可用.
而我一向用開網上繳費靈付賬,
貪在公司, 家中上到網就可以使用.
故當我收到新提款咭時, 即去附近的繳費靈的終端機重新開回戶口,
(因正當月頭, 好多賬戶要用繳費靈轉數) ....
但當重新開戶時, 終端機顯示我用的綱上戶口密碼不正確, 不能重新開戶...!!
但我明明按岩密碼...於是試了好幾次都是答案一樣....
(我又試過打電話去繳費靈的客戶服務電話問詳情...但就只是得留言答覆) 
終於我到放工時間仍未攪掂...唯有回家再去在網上和電話查詢過...!
回家晚飯後, 我終於找到個有真人接聽的客戶服務電話....
當我講出我問題後, 服務員即指出,
當我重新開戶時, 要輸入網上密碼時, 不能再用舊密碼, 一定要新的密碼.....
才會接納重新開戶...
(吓..咁都得..?  輸入岩密碼反而不能接受開戶..? 但在輸入密碼欄旁沒有提示..) 
無法...啦, 當服務員講出原因時, 他都好似是好無奈的, 公司電腦軟件是這樣設定 ! 
唯有再行多轉, 去多次繳費靈的終端機,
再攪多一次網上戶口的設定才可用...!!! 


訂閱回應RSS摘要
  • 嘉芙蓮 嘉芙蓮
    証明有時電子嘢都不及人手控制方便! 
    回覆
    • 冬日 Winter 冬日 Winter
      用了幾十年才有一次咁煩, 都算方便....
      向好處望,,,,就開心好多 !!  (我都幾亞Q)
      又好似妳用Email証件就可以checkin住酒店...極方便
  • 冬冬 冬冬
    • 冬冬
    • 2011年5月8日下午9:50
    我都係於網上繳費,但唔使用卡登記;之前不嬲都係用銀行戶口e-banking(登記一次),咁就唔使驚唔見左張卡喇.......
    回覆
    • 冬日 Winter 冬日 Winter
      啊,  早講, 我都有用 ebanking !! 但我廿幾三十年前已用了咭來開繳費靈戶口....喎 !  
  • Mánn Mánn
    • Mánn
    • 2011年5月8日下午12:01
    u ll be fine.
    回覆
    • 劉小蟲 劉小蟲
      唉，唔見野真係好麻煩。
      回覆
      • 冬日 Winter 冬日 Winter
        無法, 面對現實, 就要承受苦果.....無得怨
    • ﹌ 澄 ﹏ ﹌ 澄 ﹏
      P.S. 我係木馬入面就無影相，因為無麥特別!!
      回覆
      • 冬日 Winter 冬日 Winter
        要將這木馬相放大好多倍才可從窗口中看到妳....就是原來的相片才可做到...(Blog 內這相解像度好低, file 好細)  !  
        愛穿 紅衣 的 程藍琛 ，會不會是在 紫晴軒 工作呢....(爛gag)
    • ﹌ 澄 ﹏ ﹌ 澄 ﹏
      首先要更正我網名叫 程"藍琛"， 不是"琛藍"。你問我有無玩過好似降落傘般的玩意我曾經睇旅遊特輯見過，但當時導遊無介紹過，只係本來想玩滑翔傘，但由於當日天氣不佳無得玩
      我去土耳其有玩熱氣球，仲玩到好high..
      首先要更正我網名叫 程"藍琛"， 不是"琛藍"。你問我有無玩過好似降落傘般的玩意我曾經睇旅遊特輯見過，但當時導遊無介紹過，只係本來想玩滑翔傘，但由於當日天氣不佳無得玩
      我去土耳其有玩熱氣球，仲玩到好high，我個 Blog Background就係晨早5點幾開始升空睇日出時拍攝；我當然有入木馬入面啦，其實個張木馬相我已經走左入去，攝影師係出面幫我影，我當時仲穿件紅色褸(貪佢夠sharp),當係電腦放大original張相就會隱約見到本人
      • 冬日 Winter 冬日 Winter
        要在 咖啡色 的木馬中找尋穿 紅衣 的 藍琛 ....就像達文西的密碼一樣, 相中藏玄機(完美的美姬).....好有趣味性.....真的要試試....!!! 
        email me the original photo please ....( winterkwan@yahoo.com.hk )
    張貼者： 於 沒有留言:

    2011年5月1日 星期日

    5.1+最低

    5.1+最低
    2011年5月2日下午9:58公開累積瀏覽 16 2

    五月一日勞動節,
    公眾假期, 放假 ! 
    但就是最低工資開始的第一天.
    正是有人喜歡有人愁.
    原本是保障低收入工人的一些措施,
    慘變成一些別有用心人的政冶工具,
    一些以往剝削員工的商人可賺厚利途徑
    (某大型屋苑就借些藉口來狂加管理費近40%). 
    加了收入的工人當然高慶,
    但隨之而來的加價潮又好快到....
    物價高, 樓價高, 打工仔仍是辛苦的,
    做老闆的也不好過.


    訂閱回應RSS摘要
    • Vicky Vicky
      • Vicky
      • 2011年5月5日上午6:16
      冬日:   我有時覺香港政府啲政策越來越不切實際. 越來越無方向
      • 冬日 Winter 冬日 Winter
        是的,  無方向, 無領導能力, 無公信力....的一個政府
    • SkyBlue SkyBlue
      • SkyBlue
      • 2011年5月3日下午5:49
      唉！搞咩最低工資者...只會令老闆無奈抄人，d打工仔又慘，其實$24都有人做架嘛，唉！
      • 冬日 Winter 冬日 Winter
        其實幾多錢一個鐘...都好難硬性規定.... 越管得多, 越多爭議....自由經濟或計劃經濟都各有各好處和缺點....好難會有一面倒的好處而沒有缺點 !!
    張貼者： 於 沒有留言:
    訂閱： 意見 (Atom)